Leikmannaregla Karmels - helstu atriði

Á myndinni eru m.a. fjórir meðlimir leikmannareglu Karmels hinn 26. október 2024 á degi lokaloforðs þeirra. Frá vinstri Tamás Albeck messuþjónn, bróðir Jónas Sen, bróðir Ragnar Geir Brynjólfsson, Davíð biskup, systir Hildur Sigurbjörnsdóttir og bróðir Ágúst Elvar Almy

Dagleg hugleiðsla - Kjarni lífsins í Karmel

Helsta stoð hins andlega lífs meðlima Leikmannareglu Karmels (Latína: Ordo Carmelitarum Discalceatorum Saecularis; skammstafað OCDS) er dagleg hugleiðsla – í 30 mínútur ef hægt er. Hugleiðsla er ekki einfaldlega þögn eða tiltekinn andlegur æfingatími – heldur djúpt samband við Guð í vináttu og trú. Í anda heil. Teresu frá Avílu og heil. Jóhannesar frá Krossi er hugleiðsla talin vera persónuleg og lifandi nálægð með Guði.    Hugleiðslan má eiga sér stað í kirkju, við bænaaltarið heima, eða einfaldlega í ró og næði á afviknum stað heima eða að heiman.  Ef tími eða aðstæður hamla, má skipta hugleiðslunni í tvo 15 mínútna kafla – eða lengja hana þegar tækifæri gefst. Markmiðið er ekki fullkomnun heldur tryggð og þrá eftir Guði.

Morgun- og kvöldbæn - Líf í samhljómi við bæn kirkjunnar

Tíðabænir kirkjunnar – eru sameiginlegt ákall heilagrar kirkju til Guðs. Karmelítar, sem í upphafi voru einsetumenn á Karmelfjalli, hafa alla tíð haldið sig við sameiginlega bæn, og þessi arfleifð lifir áfram í leikmannareglunni.  Meðlimir reglunnar lofa að biðja að minnsta kosti morgunbæn (Laudes) og kvöldbæn (Vesperas) daglega. Náttsöngur (Completorium) er valkvæð en mjög góð leið til að ljúka deginum í Guðs návist.  Bænirnar má lesa úr bók, í gegnum smáforrit eins og iBreviary eða á íslensku á vefslóðinni https://breviar.sk/is. Þær tengja þann sem þær biður við alla kirkjuna og við aðra bræður og systur í Karmel.

Heilög messa - Dýrmætasti þátturinn í andlega lífinu

Ef mögulegt er, þá er þátttaka í daglegri messu hin fullkomna viðvera með Kristi – bæði í orði og sakramenti. Þetta er miðpunktur trúarinnar og uppspretta allrar náðar. Þeir sem ekki komast daglega eru hvattir til að lesa guðspjall dagsins og dvelja við það í hugleiðslu. Það sem skiptir mestu máli er þráin eftir nálægð við Krist og meðvituð þátttaka í þessari nálægð, ekki bara til að „missa ekki af“, heldur til að samrýmast Kristi í lífi sínu.

Heilög María Guðsmóðir - Fyrirmynd í íhugun og fylgd með Kristi

Heilög María er móðir Karmels – ekki bara verndari heldur fyrirmynd. Hún varðveitti orðin í hjarta sínu og dvaldi með Guði í djúpu ástandi hlustunar. Karmelítar leita þess að eiga sama hugafar: að dvelja með Kristi, í bæn, hlýðni og elsku. Veraldlegir karmelítar bera brúna axlaklæðið (skapúlarið) sem ytra tákn um innri helgun og traust til Maríu. Þeir eru hvattir til að biðja rósakransbænina daglega, en það er ekki skilyrði – heldur hjálpartæki til að vaxa í trausti og einingu við Maríu.  Það sem skiptir mestu er að láta Maríu vera kennara í íhugun og lífsförunaut í trúnni.

Fundir - Samfélag, uppbygging og ábyrgð

Meðlimir leikmannareglunnar hittast reglulega – oft mánaðarlega – til að stunda fræðslu, bæn og að eiga samfélag saman. Fundirnir snúast ekki bara um skipulag eða skyldur – heldur eru þeir líflína samfélagsins.  

Á þessum fundum má búast við:  

- Fræðslu um karmelítalífið og andlega vegferð þess  

- Sameiginlegum bænastundum, t.d. tíðabænum eða hugleiðslu  

- Samtölum um reynslu, áskoranir og náðarstundir  

Það sem einkennir fundi veraldlegra karmelíta er djúp einlægni og virðing. Þeir eru vettvangur til að styrkja kjarna köllunarinnar: að lifa sem lærisveinn í skóla Maríu og í anda Karmels.

Verkefni - Að deila því sem við höfum móttekið

Veraldlegir karmelítar lifa ekki einungis til að bæta eigin andlegu vegferð – heldur eru þeir kallaðir til að „vera Karmel“ í heimi sem þráir Guð. Þeir þjóna kirkjunni með bæn, vitnisburði og þjónustu í sínu nánasta umhverfi.

Þetta getur tekið á sig margvísleg form:  

- Að leiða hugleiðsluhópa  

- Að skrifa um trú og bæn  

- Að veita sálgæslu og hlustun  

- Að biðja fyrir þjáðum eða einmana  

- Að starfa í kirkjunni eða í hjálparstarfi  

Verkefnið þarf ekki að vera stórt – en það þarf að vera trútt því sem Guð hefur lagt í hjarta viðkomandi. Eins og heil. Teresa frá Lisieux sagði: „Að gera lítil verk í miklum kærleika.“

Fundir leikmannareglunnar eru opnir öllum sem áhuga hafa á andlegum málefnum. Fundir eru gjarnan haldnir á laugardögum fyrri hluta mánaðar í Karmelklaustrinu Hafnarfirði. Hafa má samband við Ragnar Geir Brynjólfsson á netfangið ragnargeir@hotmail.com eða í síma 896 5768 til að fá upplýsingar um fundatíma. 

---

Byggt á greininni „The 6 M's of Being a Carmelite“ eftir Aloysius Deeney, OCD – þýtt og aðlagað fyrir íslenska lesendur. /RGB